Olegario Ramón Fernández
| Biografía | |
|---|---|
| Nacemento | 14 de setembro de 1970  (54 anos)Peranzais, España |
| Educación | Universidade de León |
| Actividade | |
| Ocupación | alcalde de Ponferrada (2019–) |
Olegario Ramón Fernández, nado en Peranzais o 14 de setembro de 1970, é un político berciano, alcalde de Ponferrada dende o 15 de xuño de 2019 ata o 17 de xuño de 2023. Dende o 17 de xullo de 2023 é presidente do Consello Comarcal do Bierzo.[1]
Traxectoria
[editar | editar a fonte]Estudou Dereito na Universidade de León[2] tras entrar como funcionario na administración de xustiza destinárono a Cataluña, Madrid e Ávila, ata finalmente aveciñarse en Ponferrada. Nas eleccións municipais de 2015 foi o número dous da candidatura socialista en Ponferrada e entrou no concello.[3]
Dende xaneiro de 2018 é o secretario xeral da agrupación socialista de Ponferrada.[4] Nas eleccións municipais de 2019 encabezou a candidatura socialista en Ponferrada, que foi a máis votada e logo dun acordo de goberno con Podemos e Coalición por El Bierzo tomou posesión como alcalde o 15 de xuño de 2019. Logo das eleccións de maio do 2023, e por un pacto entre Partido Popular, Coalición por el Bierzo e Vox, perdeu a alcaldía e foi nomeado voceiro da oposición.
Notas
[editar | editar a fonte]- ↑ "Olegario Ramón se convierte en el octavo presidente del Consejo Comarcal de El Bierzo". 17 de xullo de 2023.
- ↑ "El alcalde de Ponferrada, Olegario Ramón, padre por tercera vez a los 49 años". InfoBierzo. 3 de outubro de 2019.
- ↑ "Olegario Ramón será el número dos y mano derecha de Ángela Marqués en Ponferrada". Bierzo Digital. 6 de marzo de 2015.
- ↑ "El alcalde será el único candidato a la dirección del PSOE de Ponferrada". Diario de León. 6 de maio de 2022.